Дренте стана рапер

Одамна стана јасно дека Ројстон Дренте нема да ги оправда очекувањата откако како големо засилување дојде од холандскиот фудбал во Реал Мадрид во 2007 година.
За три години одигра само 46 натпревари во белиот дрес, минатата сезона беше позјамен на Херкулес, но и тоа не го спречи Холанѓанецот наместо да работи на оживување на својата фудбалска кариера, да се проба во музичките води и да стане рапер.

Read More

Касано стана татко

Каролина, сопругата  на напаѓачот на Милан, роди наследник на талентот од Бари.

Напаѓачот на Милан, Антонио Касано стана татко за првпат.

На официјалната страница на "росоњерите"  се вели:

"Тој се роди! Кристофер Касано, најголемиот син на Антонио Касано и Каролина виде светлината на денот во Џенова. Тежината му е 3,6 кг. Сите фанови на Милан и на тимовите во кои Антонио има играно, од срце да пристапуваат кон нашите честитки до семејството на голема спортска двојка."

Read More

Шалке преку шампионот за историја, Реал се избори за уште две "Ел Класика"

Фудбалерите на Шалке и во реваншот беа подобри од Интер додека Реал Мадрид триумфираше на гостувањето против Тотенхем и успеа да се пласира во полуфиналето од Лигата на шампионите.
Шалке на домашен терен славеше со 2:1 и со вкупен резултат 7:3 обезбеди место меѓу четирите најдобри екипи во елитното натпреварување, а за место во големото финале ќе се соочи со Манчестер Јунајтед.
Германскиот претставник поведе во финишот од првото полувреме кога Жулио Сезар беше совладан од Раул.На стартот од второто полувреме во 49-тата минута, Тијаго Мота на Интер му донесе израмнување, но веќе беше јасно дека во Гелзенкирхен нема да се случи сензација.
Големиот триумф на Шалке против бранителот на трофејот го потврди Бенедикт Хеведес, кој во 81-та минута од натпреварот ги постави конечните 2:1.
Реал Мадрид рутински ја одбрани големата предност од првиот натпревар, гостите од Шпанија и во овој меч успеаа да победат, а стрелец на единствениот гол беше Кристијано Роналдо во 50-тата минута.
По комплетирањето на четврт-финалните дуели во решавачката за битка за влез во финалето ќе се борат Манчестер Јунајтед - Шалке и Реал Мадрид - Барселона.
Првите натпревари ќе се играат на 26 и 27 април додека реваншите се седум дена подоцна.

Read More

Липи заинтересиран за менаџерското "столче" во Челзи

Поранешниот селектор на Италија, Марчело Липи, кој пред пет години ги донесе азурите до светската титула на првенството што се одржа во Германија, изјави дека сака да се пресели на Островот.

По завршувањето на Светското првенство во Африка во текот на минатото лето, поранешниот тренер на Јувентус се оддалечи од фудбалот и скоро две години е без ангажман.

„Ми недостига тренерската професија, морам да признаам. Тоа, се разбира е нормално.Имама 63 години и успешна кариера позади себе. Имаше и неуспеси, но тоа е фудбал. Би се радувал доколку станам менаџер во Англиската Премиер лига“, вели Липи а на директното прашање дали е заинтересиран да го превземе Челзи тој одговори:

„Тоа би било добро, но не ја исклучувам можноста повторно да бидам селектор на некоја репрезентација“.

После неуспехот во ЛШ се чини деновите на Карло Анчелоти на клупата на Челзи се одброени, а еден од кандидатите за жешкото столче е токму Марчело Липи.

Read More

Сахин пред вратите на Реал Мадрид?

 

Играчот за врска на Борусија Дортмунд Нури Сахин е близу до преминување во Реал Мадрид, тврди германскиот весник „Билд“. 

Како што наведува изворот, 22 – годишниот Сахин чиј договор со „милионерите“ истекува во 2013 година може да го напушти клубот и пред тоа доколку за него се понудат најмалку 6 милиони евра.

Билд тврди дека Турчинот, кој е избран занајдобар фудбалер во Бундес лигата во првиот дел од сезоната веќе примил понуда од „кралскиот клуб“, за кого настапува неговиот сонародник Месут Озил.

 

Read More

"Бугати" за Карлос за својот 38-ми роденден

Бразилскиот ветеран веројатно не зажали што одлучи од Бразил да се пресели во Русија, каде сега настапува за Анжи од Махачкала.Сопственикот на Анжи Сулејман Керимов, покрај тоа што му даде годишна плата од осум милиони евра на Роберто Карлос, продолжи да му дава подароци на 38-годишниот ветеран. Но, ни самиот Бразилец веројатно не можеше да претпостави што ќе добие од Керимов за својот 38. роденден.

На роденденската забава самиот Карлос и останатите играчи на Анжи беа крајно изненадени кога Керимов му подари нов Бугати Вејрон, супер-автомобил кој вреди еден милион евра.

Read More

Ибра "мамка" за Роналдо

Лидерот во италијанското првенство Милан не се откажува од замислата за доведување на португалската ѕвезда Кристијано Роналдо.
"Росонерите" се подготвени во летниот период да го вклучат Златан Ибрахимовиќ во трансфер зделката за ангажирање на Роналдо, обjави Кориере дело Спорт.
Ибрахимовиќ оваа сезона игра како позајмен играч од Барселона со опција на крајот од сезоната да мине во Милан за сума од 24 милиони евра.
Се очекува италијанскиот гигант да го задржи Ибра, но можно е да го искористи шведскиот напаѓач во преговорите со Реал Мадрид за доведување на Роналдо.
За сега кралскиот клуб е рамнодушен на ваквите шпекулации од италијанските медиуми, но кога се работи за исполнување на желбата на Силвио Берлускони се е можно.

Read More

Барселона и Манчестер Јунајтед се пласираа во полуфиналето

Манчестер Јунајтед и Барселона се првите полуфиналисти во Лигата на шампионите. Двата тима и во реванш мечевите беа поуспешни од Челзи односно Шахтар Доњецк.
На Олд Трафорд се водеше жестока битка за влез меѓу четирите најдобри тима во елитното европско клупско натпреварување. Челзи се обидуваше да ја анулира предноста на противникот од првиот меч, избраниците на Карло Анчелоти упатија неколку удари, но ниту еднаш не успеаа да ја затресат мрежата на Едвин ван дер Сар, кој и на овој натпревар беше извонреден на голот на Манчестер Јунајтед.
Рајан Гигс и неговите прецизни додавања повторно беа фатални за Челзи. Во 43-тата минута, извонредно ја уфрли топката пред голот на Петр Чех, а на вистинското место се најде Хавиер Ернандез, кој ја спроведе топката во мрежата на противникот.
Во вториот дел, Анчелоти реши да го уфрли во игра Дидие Дрогба, кој се обидуваше да го совлада Ван дер Сар, а тоа му појде од рака во 77-та минута кога го израмни резултатот на 1:1 и донесе малку надеж за Челзи дека може да направи пресврт.
Голем проблем за гостите беше фактот што од 70-тата минута имаа човек помалку на теренот откако поради втор жолт картон беше исклучен Рамиреш.
Радоста на Челзи сепак траеше многу кусо, веќе во следниот напад Парк Ји Сунг се запиша во листата на стрелците за предност на Манчестер Јунајтед од 2:1 за конечен триумф и пласман во полуфиналето. И повторно погодокот на домашниот тим е постигнат по извонредно додавање на Гигс.
Многу помалку возбудувања имаше во Доњецк, Шахтар во дуелот влезе го голема и практично недостижна негатива, но украинскиот состав не успеа да реализира неколку од идеалните можности за гол.
Казната стигна на две минути пред крајот на првиот дел Лионел Меси постигна погодок за конечни 1:0.
Со овој гол Меси влегува во историјата на Барселона, ова за него беше 48-ми гол сезонава и за еден погодок го надмина рекордот на Роналдо од сезоната 96/97.

Read More

Челзи по победа вечерва на Олд Трафорд

Вечерва се на програмата се реванш  натпреварите од четвртфиналето на Лигата на шампиони. Вниманието го привлекува двобојот на Олд Трафорд каде Mанчестер Јунајтед го пречекува Челзи со предност од 1:0 од првиот меч.
На последните два натпревара на Олд Трафорд, славеше Челзи, а менаџерот на "сините", Карло Анчелоти смета дека повторно можат да триумфираат.
"Секако дека ќе биде тешко, но убедени сме дека може дa победиме. И минатата година тоа ни успеа, можеме повторно", истакна Анчелоти, кој ако не успее да обезбеди полуфинале сигурно е дека следната година нема да седи на клупата на лондонскиот клуб.
Сер Алекс Фергусон ја нагласи важноста од поддршката од навивачите против актуелниот англиски првак.
"Наша најголема предност е домашниот терен. Навивачите се одлични и очекувам наелектризирана атмосфера. Одбраната во првиот натпревар направи голема работа, а во овој меч мислам дека клучен ќе биде средниот ред. Мораме што подолго да ја држиме топката во наши нозе", рече Фергусон.
Барселона со победата на Ноу Камп од 5:1 ги реши сите дилеми за пласман во полуфиналето, но тренерот Пеп Гвардиола предупреди на внимателност и неговите играчи нема да го сфатат лесно претстојниот дуел. Украинскиот шампион има невозможна мисија пред себе и треба да победи со 4:0 ако сака пласман меѓу четирите најдобри во Лигата на шампиони.

Read More

И богатите "плачат", Сити нокаутиран на Енфилд

Граѓаните демолирани во Ливерпул, натпреварот решен уште во првиот дел, конечно блесна Керол и со два гола го предводе својот тим до победатата која ја надополни и Кајт со свој погодок. Сити сега во ситуација да стравува и за четвртата позиција.
Манчестер Сити вечерва изглдаше како недисциплинирана и расштимана војска на преполниот Енфилд. Спасуваа жива глава, а според шансите имаа можност само да примат уште некој погодок. Се беше јасно уште во првото полувреме. Победата на домаќините ја најави Енди Керол со вистинска бомба во 20-та минута која ја дофати мрежата покрај изненадениот Харт. На 2-0 зголеми Кајт, по долгата акција на црвените холанѓанецот со удар од косо од десната страна ја зголеми предноста на Ливерпул. Неколку минути подоцна, одличен центаршут по левата страна и Керол со својот втор погодок за тимот од Енфилд ги поставува конечните 3-0.
Во второто полувреме Керол беше во можност да постигне дури и хет-трик  но сепак остана поздравен со овации од трибините а чест му укажа дури и легендарниот Јан Раш кој стана да го поздрави.
Во таборот на "граѓаните" сите беа потопени во бледото сивило кои сега имаат само три бода повеќе од петтопласираниот Тотенхем и натпревар повеќе. Ливерпул останува шести со надеж за пласман во Лигата на Европа и со малку затаени амбиции за четвртата позиција и место во Лигата на Шампионите.

Read More

Ибра доби казна од 3 натпревари; Милан сепак ќе ја обжали одлуката

 

Дисциплинската комисија на Серие А одлучи – три меча суспензија за Златан Ибрахимовиќ.

Златан Ибрахимовиќ ќе пропушти три меча поради навредите кои синоќа ги сипрати на адреса на помошникот судија за време на првенствениот натпревар помеѓу Фиорентина и Милан.
Иако Швеѓанецот денеска се извини со образложение дека не го навредувал судијата, туку сам на себе си префрлил поради изгубената топка, официјалните лица од калчо лигата не мислат така.
Поради оваа казна, Ибрахимовиќ ќе ги пропушти натпреварите против Сампдорија, Бреша и Болоња.
Се очекува Милан да ја обжали оваа одлука и казната за Швеѓанецот да се намали барем на два меча.

 

Read More

Реал со понуда: 30 милиони и Гаго за Де Роси

Иако главниот дел од сезоната допрва им престои, во Реал Мадрид веќе размислуваат за следната сезона. Барем ако судиме според извештаите од шпанските медиуми.

Денешното издание на шпанси „Спорт“ наведува дека Реал во летниот преоден рок е спремен да и понуди на Рома 30 милиони евра и аргентинкиот играч од средниот ред Гаго, во замена за Даниеле Де роси.

Тренерот на кралкиот клуб, Жозе Мурињо наводно силно посака да го доведе италијанскиот фудбалер кој би бил партнер на Чаби Алонсо во средниот ред, а за неговите квалитети се уверил во претходните две години кога беше тренер на Интер.

Проблем за Реал би можело да биде тоа што Рома неодамна доби нов сопственик Томас ДиБенедето, кој најави создавање на силна и моќна екипа, а продажбата на најдобриот играч сосема сигурно не се вклопува во таа приказна.

Read More

Барселона провоцира: "Дајте пет"

Оваа сабота на програмата е најголемото дерби во Шпанија, и едно од најголемите во Европа, Ел Клсико, помеѓу Барселона и Реал. Симпатизерите на фудбалот сигурно го немаат заборавено првото дерби оваа сезона кое заврши со 5:0, а искрите во Шпанија пред новото дерби веќе се разгореа.

Почнаа провокациите пред почетокот на дуелите меѓу Реал Мадрид и Барселона. Пет фудбалери на Барса гордо со отворена рака покажувајќи петка се наоѓаат на локалните автобуси. Се работи за кампања за здравство, но јасно е дека се алудира на победата од 5:0.

Карлес Пујол, Чави, Виктор Валдес, Серхио Бускетс и Давид Виља мафтаат од задната страна на автобусите со отворени дланки и со прстите покажуваат петка, а на нив е испишана по една буква, а заедно пишува Units, што на каталонски „обединети“.

Се работи за кампања за здравствено осигурување, но јасно е дека се алудира на победата од 5:0 над Реал во првиот меѓусебен натпревар, а мадридскиот весник „Марка“ ја осуди кампањата и ја окарактеризира како провокација.

Read More

Валенсија ја потопи подморницата на Местаља

Во дербито на 31-то коло во Примера, Валенсија сосема неочекувано го декласираше Виљареал на Местаља со 5:0, и се зацврсти на третото место кое води директно во ЛШ.

Овој натпревар не само што беше дерби на колото беше и дуел за третото место кое овозможува директен пласман бо Лигата на шампиони. Валенсија со двата погодока на Роберто Солдадо и Хуан Мата и еден на Евер Банега во целост ја потопија “жолтата подморница“ за која ова е најубедлив пораз оваа сезона.

Домаќините поведоа уште во 13 минута преку Солдадо и тие 1:0 беа активни се до 55 минута, кога Мата зголеми на 2:0. Од тој момент па во следните 29 минути Валенсија постигна уште три погодоци за неочекувано убедлива победа која ги однесе на плус шест бодови во однос на Виљареал.

Read More

Касиљас поставува нови рекорди

Реал Мадид во саботата победи на гостувањето во Билбао со 3:0, а капитенот и легендата на тимот Икер Касиљас запиша нов рекорд.

Икер Касиљас продолжи да ја испишува книгата со рекорди на Реал Мадрид, во победата против Атлетико својата мрежа ја зачува по 141 пат недопрена со што го израмни клубскиот рекорд.

Ваквиот рекорд до сега го држеше Франциско Бујо, поранешниот шпанси репрезентативец и една од легендите на кралскиот клуб кој за Реал настапуваше во периодот од 1986-1997 година.

Касиљас го израмни рекордот на Бујо, а прилика да го надмине ќе има уште наредниот викенд во Ел Класико против Барселона.

Read More

Ибра: "Простете ми сите"

Напаѓачот Милан, Златан Ибрахимовиќ, несвојствено за него, побара прошка од соиграчите и навивачите, откако синоќа на гостувањето кај Фиорентина повторно доби црвен картон.

Шведскиот напаѓач во неделата се врати на терен после суспензијата од два натпревари поради црвениот картон кој го доби во натпреварот против Бари. Од тој пример очигледно ништо не научил, бидејќи во 87-та минута во Фиренца повторно беше исклучен поради навреди на помошниот судија.

Меѓутоа поранешниот напаѓач на Ајакс, Јувентус, Интер и Барселона тврди дека зборовите не биле упатени кон судијата, туку кон самиот себе.

„Бев лут самиот на себе бидејќи ја изгубив топката. Си упатив коментар самиот на себе, а тоа не беше усмерено ни на главниот судија ни на неговите помошници. Сепак, ги молам сите да ми простат бидејќи направив сцена при излегувањето од теренот. Ова беше лош тајминг за црвен картон со оглед на тоа што штотуку ја одработив суспензијата“, изјави Ибра после натпреварот.

Read More

Кака: Му должам на Реал

Бразилскиот плејмејкер на Реал Мадрид, Кака изјави дека оставил многу тежок период зад себе и се надева дека конечно ќе докаже зошто беше доведен на Сантиаго Бернабе за толкава сума на пари.

Поради честите повреди, бразилскиот интернационалец никогаш не успеа да ја прикаже најдобрата форма во дресот на Реал Мадрид откако се пресели на Сантијаго Бернабеу во 2009 во трансфер вреден 68 милиони евра.

Поранешниот ас на Милан постигна два гола во победата на Реал Мадрид над Билбао овој викенд, и вели дека тоа многу ќе влијае на неговата самодоверба но признава дека чувствува долг кон кралскиот клуб.

„Задоволен сум што одиграв 90 минути, среќен сум поради ова. Тоа беше добар натпревар, лично за мене но и за Реал Мадрид. Двата погодока ќе ми ја зголемат самодовербата, и покрај тоа што беа преку удар од белата точка“, изјави Кака во интервју за шпансите медиуми.

„Некои велеа дека сакам да заминам, други говореа дека не сакам да играм за Реал. Но тоа не е вистина.Вистината е дека јас секогаш сакав да останам во Реал. Многу работи се кажаа но јас ја знам вистината. Работам напорно за да играм за Реал Мадрид“, продолжи Кака и додаде:

„Должник сум на Реал и тоа ме оптоварува. Сакам повторно да чувствувам задоволство од фудбалот, но тоа ќе се случи со многу вежби кои ќе ме вратат во добрата форма. Многу сум благодарвн на Жозе Мурињо, кој прави многу нешта за да ми помагне. Оставив зад себе тежок период, но се надевам дека сега ќе дојдат подобри времиња“, коментира Бразилецот.

Read More

Сицилија во гнев: Навивачите на Палермо ги нападнаа ирачите

Агонијата во Палермо продолжува. И покрај враќањето на Делио Роси, тимот повторно одигра шокантен натпревар во последните минути прокоцка водство од 2:0 против Чезена на домашен терен.

Изиритирани од резултатот, најверојатно и од начинот на кој фудбалерите на Палермо прокоцкаа победа на натпреварот со Чезена, навивачите на клубот од Сицилија повеќе од еден час не им дозволија на своите љубимци да го напуштат стадионот...

Имено, Палермо во 32-рото коло од Серија А имаше предност од 2:0 до самиот финиш на мечот, а имаше и два играчи повеќе на теренот! Потоа во судиското продолжение примија два погодоци и комплетно ги разочараа фановите.

Група од околу 200 најзагреани навивачи по натпреварот останала во близина на излезот од соблекувалната и го блокирала паркингот каде се наоѓале автомобилите на фудбалерите. Со навреди и скандирање "нема достоинство за играчи" биле испратени фудбалерите, кои заминале дури откако полицијата интервенирала и направила премин меѓу револтираните фанови.

Read More

И Вилшер во милионските планови на Сити

Џек Вилшер 19 годишниот фудбалер од средината на теренот на Арсенал кој важи за еден од најперспективните фудбалери на Островот е на мета на Сити.

По одличните игри сезонава во дресот на Арсенал, младиот фудбалер го сврте вниманието на многу европски клубови.

Тој го импресионираше и селекторот на Англија, Фабио Капело кој го повика и му даде стандардно место во репрезентацијата.

Арапите од Манчестер Сити наводно во летниот период спремаат спектакуларна понуда од 40 милиони фунти за во своите редови да го видат Вилшер.

Колку на оваа понуда ќе успее да одолее Арсенал и самиот Вилшер останува да видиме.

Read More